Lala’ok:

Objetivu principal ida husi Governu Estadus Unidus iha Timor-Leste mak atu promove estabilidade no atu kria kondisaun ba nasaun joven ne’e hodi sai nasaun ne’ebe seguru, demokrátiku no prósperu. Enkuantu Misaun Intégradu Nasoins Unidas iha Timor-Leste remata iha tinan 2012, nasaun Timor-Leste kontinua hasoru dezafiu iha reforsa estabilidade, haforsa instituisaun setór seguransa ne’ebe sei fraku, mantein lei no orden, no resolve violénsia bazeia ba jéneru. Asisténsia USG, liuhusi Departamentu de Defeza (DOD), Departamentu de Estadu (DOS), Departamentu de Justisa (DOJ), no USAID, hakarak atu apoiu Governu Timor-Leste no forsa seguransa atu institusionaliza Timor-Leste nia progresu ne’ebe signifikamente iha mantein estabilidade ne’ebe nesesária ba nia populasaun ne’ebe mak aumenta barak hodi prósperu iha tinan oin mai.

Rezumu:

Timor-Leste agora daudaun iha momentu krítiku iha nia transformasaun husi rekuperasaun postu de konflitu ba dezenvolvimentu tempo naruk. Kuaze metade (46%) de populasaun iha Timor-Leste mak iha idade 18 ba kraik, no kontária grupu juventude (entre tinan 15-29) kuaze porsentu 30 husi populasaun Timor nian. Ne’e duni USAID fiar katak foin sa’e Timor oan tenke involve diretamente iha polítiku, ekonómiku no sosiál nudar sófer ba nasaun nia futuru.      

USAID nia Projetu Envolvimentu Foin Sa’e hodi Promove Estabilidade (YEPS) oferese mentor no treinamentu ba foin sa’e sira konaba lideransa no abilidade ba debate no mós produsaun radio talk show no anunsia servisu públiku konaba tópiku mak hanesan violasaun doméstika no hamenus de konflitu. YEPS liga foin sa’e sira ho ema sira ne’ebe halo desizaun nasionál hodi esplora no diskute isu importante no insentivu sira ba konflitu relasiona ho foin sa’e sira. Liu husi livru de banda dezeñada, YEPS hasa’e foin sa’e nia koñesimentu no komprensaun konaba harii pas no boa governasaun.      

USAID nia projetu YEPS uza aprosimasaun inóvativu ne’ebe mak uza radio komunidade nudar dalan ida atu transforma hanoin ne’ebe mak foin sa’e Timor oan sempre uza hodi hasoru konflitu. Fundu (Grant) ne’e ajuda foin sa’e sira hodi muda husi hahalok ameasa malu ba solusaun kooperativu. Fundu mai husi  Programa Asisténsia Estabilizasaun no Seguransa husi Departamentu do Estadu, Estadus Unidus nian, USAID YEPS mós hanorin foin sa’e sira ho abilidade komunikasaun no teamwork (ekipa de servisu), partikularmente liu husi Média no atividade outreach sira seluk.   

Dezde hahu, USAID nia projetu YEPS ho ninia parseiru lokál sira prodús no broadcast ona radio magazine hamutuk 24 episode no 25 episode radio drama ne’ebe mak foka ba  isu sira  ne’ebe foin sa’e sira identifika hanesan isu ne’ebe importante ba sira no ba sira nia komunidade mak hanesan dezempregu, violasaun doméstika, konflitu juventude nian, no manipulasaun ba juventude. Iha tinan 2013, USAID hala’o atividade juventude ualu (8) iha distritu hat, ne’ebe mak inklui kursu treinamentu lideransa síviku no ajuda foin sa’e Timor oan dezenvolve no pratika lideransa, teamwork (ekipa servisu), no abilidade komunikasaun.